(ВИДЕО) Силен ветар и дожд во Скопје, УХМР и за ноќеска најавува слично време

Од:

Силен ветар проследен со дожд попладнево го зафати Скопје. Според УХМР, пороен дожд, грмежи и силен ветер во моментов има во северозападните делови од Македонија.

Од УХМР најавија дека попладне и во ноќните часови почнувајќи од запад облачноста во земјава ќе се зголемува и ќе биде нестабилно со пороен дожд и грмежи.

Наместа процесите ќе бидат во форма на невреме со интензивен пороен дожд за кратко време (над 20 l/m2 за 6 часа), силен ветер, поинтензивни електрични празнења и услови за појава на град.

Управата за хидрометеоролошки работи предупреди дека поради невремето со интензивен дожд за кратко време, силен ветер, поинтензивни електрични празнења и услови за појава на град, можно е да дојде до поројни истекувања на помалите водотеци и суводолици и до несакани излевања на водите, кои би можеле да предизвикаат локални проблеми како на крајбрежјето, така и на патната инфраструктура, на одредени места можна е и појава на свлечишта и одрони.

Од утре и во почетокот на новата работна седмица следува стабилно и посвежо време со умерен, повремено засилен ветер од западен и северозападен правец.

Би можело да ве интересира

Притвор за турски државјанин кој со капак од шахта тепаше сограѓанин во Скопје

А1он

Обвинителство: Ja убил партнерката пред петгодишно дете, па сакал да избега

(ВИДЕО) Невреме во Париз, поплавени се улици и метро-станици

Горан Наумовски

Убиство во Скопје: Си ја уби сопругата, па сакаше да избега во Србија

Горан Наумовски

(ВИДЕО) Нов Зеланд e погоден од најсилните ветрови во последните 10 години

Невреме во САД: Најмалку тројца загинаа, а половина милион луѓе останаа без струја во неколку држави