-Незадоволството на ВМРО-ДПМНЕ од Специјалниот јавен обвинител очигледно произлегува од тоа дека тие имаат што да сокријат. Очигледно е дека нивното одбивање значи страв и прикривање на вистината, вели Шилегов.
Во образложението на законот децидно беше кажано дека станува збор за Специјално обвинителство и за него се предвидени истите решенија кои што ги предвидува законот во кривична постапка за специјалното оделение за гонење на сторители на кривични дела од областа на организираниот криминал и не постои разлика помеѓу тие обвинители, рече Петре Шилегов додавајќи дека специјалните делови од јавното обвинителство на Македонија за организиран криминал и за прислушуваните разговори треба да работат под истите законски решенија.
Според Шилегов тврдењето за нелегитимноста на Парламентот и овој состав на Собранието, Социјалдемократскиот сојуз како политичка партија го имаат уште во моментот кога не ги признаа изборите заради кражба.Тој истакна дека враќањето на Социјалдемократскиот сојуз во Собранието е од причина да помогнат за излез од политичката криза.
-Не можете да го поистоветувате Социјалдемократскиот сојуз како политичка партија и СЈО кое како огран го избраа сите четири политички партии присутни во овој Парламент, рече Шилегов.
Виктор Јованов