Иако Никола Груевски, на различни начини, најавуваше дека веднаш по констатирањето на оставките, власта ќе распише вонредни избори за пополнување на испразнетите места на опозицијата, тоа не се случи, вели портпаролот на СДСМ, Петре Шилегов.
Со денешната одлука, да не се констатираат оставките на пратениците, може слободно да се заклучи дека Груевски е подготвен да разговара за барањата на опозицијата, додаде тој.
Оттука следно што се очекува е одржување средба на којашто претседателот Заев ќе ги соопшти барањата на опозицијата, што ќе бидат теми на можните разговори за надминување на последиците од нерегуларните избори.
Потенцираме дека политичкиот дијалог што се водеше помеѓу власта и опозицијата изминатата година и договорите што беа постигнати, не беа практично реализирани, напротив беа несовесно злоупотребени од страна на Груевски.
Затоа, се што евентуално ќе се договора во иднина, ќе се смета за договорено, само ако во спроведувањето на договореното, биде целосно вклучена опозицијата и при тоа гарант биде претставник на Европската унија.