„Излегоа вчера тројца Роми и под команда на ВМРО-ДПМНЕ, ги критикуваа и навредуваа Бранко Црвенковски и Менде Диневски. Само уште да кажеа за колку пари се продадоа кај ВМРО – ДПМНЕ. Срам и арам да им е!“, реагираше денеска Џеваир Шерифова, кандидат на опозицискиот Сојуз за иднината за член на Советот на општина Битола.
Не знам зошто, рече, цело време зборуваа против Бранко и Менде и што тие арно или лошо им направија, кога и Бранко и Менде осум години се опозиција. И да сакаа не можеа ниту да им помогнат ниту да им одмогнат. Тие тројцата Роми не се претставници на сите Роми и не се грижат за сите Роми. Оти ако вистински не сакаат нас Ромите – прво ќе ја критикуваа власта, и ќе го критикуваа ВМРО – ДМПНЕ, а тие им седнаа во скутот. Владимир Талевски и Никола Груевски за нас Ромите се интересираат само пред избори колку да соберат некој глас.
