Радмила Шеќеринска ги наброја сите , како што рече бизнис-бонбони од кои преку Регулаторната комисија се офајдиле многумина, а сето тоа е на грбот на граѓаните. Последица, рече, се зголемувањата на цените на струјата и парното.
„20 минути говореше претседателот на Регулаторна, но не кажа за цените на парното.Оди по јајца зошто треба да се види списокот кои функционери на ВМРО-ДПМНЕ се акционери во Топлификација. И кога манипулираат, повеќе лажат, поскапувањето на струјата е над 20 проценти, а не како што се кажува само 10-тина. Ова е поради скриеното укинување на евтината дневна тарифа“, рече Шеќеринска.
„Јавашлукот и бизнис-бонбоните, граѓаните го плаќаат со поскапи цени“, рече Шеќеринска и му остави, бонбона на спикерот Трајко Вељаноски.
„Ваши се бонбоните, вие сте по бонбоните. Вие друго бонбонче земавте, благодарам на бонбоната“, одговори Вељаноски.
Од ВМРО-ДПМНЕ реплицираа дека Шеќеринска ја има мувата на капата со продажбата на ЕСМ и увозот на струја во време на СДСМ.
Повеќе од видеото.