(ВИДЕО) Шекеринска: Потребни се политики што ќе ги задржат младите кои си одат

Од:

-Младите се движечка сила на секое општество. Но, каде се придвижува таа младинска сила во Македонија? За жал, во странство, констатираше вчера вечер во Тетово заменик претседателката Радмила Шекеринска.

Заменик претседателката Шекеринска и претставници од комисии на СДСМ присуствуваа на трибината што ја организираше Социјалдемократската младина од Тетово на тема: „Иднината на младите, тука или во странство?“

sekerinska-tribina (4)

-Две бројки се стравични. Никој не сака да се врати во земјава, а многумина сакаат да заминат. Повеќе од 51 процент од младите во Македонија размислуваат за иселување. Тоа покажува дека работите ни се тргнати во надолна линија по сите прашања, политика, економија, социјала, се што им е важно на граѓаните. Затоа, на земјава час поскоро и требаат политики, што на младите ќе им понудат шанса да останат овде и да создадат свое семејство, рече заменик претседателката Шекеринска.

sekerinska-tribina (3)

Масовното заминување на младите во странство и безработицата се двата клучни проблема што беа посочени на трибината.

-Поразителните бројки покажуваат намалување на запишување ученици во основното и средното образование. Фактот што само еден од пет студенти се вработува веднаш по дипломирањето, ниските плати и огромната младинска невработеност се показатели за циклусот на миграција што и се случува на Македонија. Го губиме главниот ресурс на оваа држава, а тоа се младите, рече Кире Наумов, претседател на Комисијата за финансии на СДСМ.

sekerinska-tribina (1)

-Профилот на луѓе кои ја напуштиле оваа држава е со повисок степен на образование. Одливот на мозоци е главниот проблем со кој се соочува Македонија,  додаде претседателот на СДММ Тетово, Дарио Сотировски.

Во дебатата на трибината активно се вклучија и граѓаните кои се интересираа за мерките што ги предлага СДСМ за решавањето на овој проблем: младинското вработување, бизнис инкубатори, поддржување на младинските идеи.

Би можело да ве интересира

(ВИДЕО) СДСМ со амандмани бара 2.500 денари повеќе месечно за студентски оброк и стипендии од 8.000 денари

СДСМ: 51 милион евра не се префрлени во вториот пензиски столб – кривична одговорност треба да започне од Мемов

(ВИДЕО) Фрчкоски: Мицкоски и Славески брзаат да ја продадат Алта банка за џабе – кој ќе ја плати цената?

Горан Наумовски

СДСМ: Нема пари, 51 милион евра не се префрлени во вториот столб

(ВИДЕО) Кузеска: Една недела нема одговор од Савески за Алта банка и кривичната – им купува време на Мицкоски и Славески?

А1он

СДСМ: Мицкоски и Кочоска најавуваат задолжување од 2 милијарди евра во 2027 година

А1он