Сексуалните работници поддржани од Граѓанската иницијатива за заштита и унапредување на правата на сексуалните работници СТАР-СТАР од Скопје денеска по осми пат се приклучи кон Глобалната акција за солидарност по повод Меѓународниот ден за СТОП на насилството врз сексуалните работници.
Тие со овој настан сакаат да ја информираат јавноста за големиот број на сексуални работници во Македонија, и загрижувачката состојба за безбедноста и условите во кои што тие живеат и работат.
Според нив, сексуалните работници трпат насилство како и од клиентите, така и од семејството, а полицијата не презема ништо во врска со нив.
– Дискриминацијата со која се соочуваат сексуалните работници, не ги охрабрува истите да ги пријавуваат во полиција делата од омраза извршени врз нив. Тие остануваат безгласни, а насилниците се и понатаму на слобода, велат организаторите на настанот.
Александар Тодески