Градоначалникот на Кавадарци, Митко Јанчев сподели видео од пожарот кој го зафатил магацинскиот дел од фабриката за канабис во село Дебриште на својот официјален профил на Фејсбук. Пожарот е ставен под контрола, а над 25 пожарникари интервенирале со повеќе од десет возила.
„ТППЕ Кавадарци и Неготино, ЈП Комуналец Кавадарци и ЕуроНикел, со повеќе од 10 возила и над 25 пожарникари брзо интервенираа во гаснењето на пожарот, кој го зафати магацинскиот дел од фабриката за канабис во село Дебриште.
Благодарение на брзата интервенција на службите, пожарот е под контрола и е спасен поголемиот дел од објектот“, објави градоначалникот на Кавадарци, Митко Јанчев.