Започна уривањето на сендвичарниците „Чичко Стоилко“ „Нино“ и останатите два објектити каде многу генерации скопјани купуваа сендвичи за пристапни цени.
„Чичко Стоилко“ освен сендвичарница позната по добриот хамбургер, преставуваше скопски бренд.
Отстранувањето на овие значајни обележја за скопјани е поради почнувањето на градежните зафати за реконструкција на зградата на ЕВН и ЕЛЕМ во барок стил, во духот на „Скопје 2014“.
Вработените во сендвичарниците се револтирани бидејќи дислокацијата е направена за многу брзо време.
-Дислокацијата на сендвичарниците беше предвидена од 16. јуни до 20. јуни.
– Но, денеска дојдоа во 9 часот и за 2 часа кренаа се. Имавме рок до 20. јуни рок да се иселиме. Можевме да спасиме барем плочки и нешто од инвентарот. Ние плаќавме на кирија на ГТЦ и токму ГТЦ требаше да застане позади нас – вели една од вработените.
Петар Клинчарски