Шарената револуција во паркот Жена борец спроти законодавниот дом ги одржа вторите одложени избори за кои владејачката партија велеше дека се забетонирани на 5 јуни.
Пред да гласаат, демонстрантите ја бетонираа гласачката кутија, а потоа ја пресекоа свечената лента и го пречкртаа носителот на листата на единствената партија која требаше да излезе на изборите.
Барањето да нема избори на 5 јуни беше едно од низата барања на Шарената револуција. По состанувањето на Собранието, во кое се одложија и овие избори, се уште се нема постигнато нов договор за тоа кога би можело да се одржат фер и демократски избори.
Александар Тодески
