СДСМ и коалицијата „Сојузот за иднината“ вечерва со почеток од 21 часот ќе одржат митинг на плоштадот „Македонија“ во Скопје. На митингот ќе присуствуваат сите кандидати за градоначалници и носителите на советнички листи од сите општини. На присутните ќе им се обратат лидерите на сите партии од коалицијата, „Сојузот за иднината“.
Коалицијата „За подобра Македонија“ предводена од ВМРО-ДПМНЕ денес ќе одржи митинзи во Радовиш, Струмица и мини-митинзи во Ново Село и Босилево. Митингот во Радовиш е планирано да започне во 17 часот, а средбата со граѓаните на Струмица е закажана за 21 часот.На митинзите ќе присуствува лидерот на ВМР0-ДПМНЕ и премиерот на Македонија, Никола Груевски, но и лидерите на коалиционите партнери.
ДУИ во 16 часот ќе одржи средба со граѓаните на Охрид, а митингот е закажан за 18 часот во Струга.
ДПА ќе одржи митинзи во Тетово во 18:30 часот, а ќе се сретне и со жителите на Шипковица и Студеничани.
Елена Георгиевска
