Штипските социјалдемократи од денес ја официјализираа кампањата за промоција на кандидатот за градоначалник и на советничката листа.
Според утврдената агенда, втората фаза од проектот „Отвори врата за иднината“ го започнаа во населбата Македонка и во приградската населба Караорман. Дваесет тима ги посетија домовите на жителите од овие две населби и до нив ја дистрибуираа програмата на кандидатот за градоначалник од редовите на СДСМ.
„Ние веќе еднаш поминавме овде. Тогаш беше проектот од врата до врата. Тогаш им ветивме на луѓето дека ќе се вратиме уште еднаш. Дојде тој ден Денес сме овде да им ја понудиме нашата програма, да им кажеме што сме замислиле за овој дел на градот и за градот Штип“, изјави кандидатот за градоначалник, Здравко Коцев.
