Погрешните политики на ВМРО ДПМНЕ дојдоа до израз по којзнае кој пат. Иако повикувавме на тоа, дека во вакви тешки времиња не ни се потребни споменици, тркала, барок, власта продолжи со нивно поставување, рече Благој Бочварски, член на ИО на СДСМ и претседател на Комисијата за транспорт и врски.
Додека ВМРО ДПМНЕ и ДУИ си ја префрлуваат топката кој е виновен за состојбата, граѓаните останаа затрупани во снег. Овојпат снегот интензивно врнеше во западна Македонија, а надлежните не успеаја да се справат. Прашуваме како ќе се справат доколку заврне снег на територијата на цела Македонија?
Се покажа дека Македонија е лесно ранлива. Крахираше снабдувањето со енергија, а илјадници луѓе ја дочекаа Новата Година без струја.
Потфрлија сите надлежни институции.
Јавно прашуваме:
-Колку камиони чистачи за снег ќе се купеа со 18 милиони евра што се трошат за Панорамско тркало?
-Колку тони абразивен материјал (сол и ризла) на залихи има во моментов?
-Дали вработените во Македонија пат имаат чизми, ракавици и друга ХТЗ опрема?
-Колку плати и колку дневници за теренски додаток за ноќни смени се неисплатени на дежурните екипи во Македонија пат?
Вработените во Македонија Пат, се најмалку виновни за ова бидејќи во овие услови и со нивната техничка опременост направија максимум.
Ситуацијата во Македонија на полето на транспортот е катастрофална. Со првиот снег паднаа и маските за тоа дека земјава била во најдобрите во регионот и пошироко.
Поради спомениците, барокот и други непродуктивни трошења ни се случува хаос, а тоа го трпат најмногу граѓаните на Македонија.