„Лица со статус невработени од категоријата социјално ранливи категории! Тоа ли е ново име за високите функционери од ВМРО ДПМНЕ – Битола?!
– Координаторот на општинскиот комитет на ВМРО ДПМНЕ од Битола г-дин Зоран Илиовски повеќе драматично отколку дрско реагираше за непотизмот во Битола кој го спроведува нивната партија. Многу зборови – многу текст – малку содржина!
– Особено драматичен е делот каде потсетува дека и членови на СДСМ биле вработени во јавни или државни институции. Колку од нив познавате? Колку од нив по освојувањето на власта добиле прераспределба на работно место по основ партиска припадност а не квалификациони работни вредности? Именувајте директор од СДСМ кој само поради квалитетот и продуктивноста во своето работење не бил сменет“, изјави Катерина Димовска, член на Извршен одбпр на ОО СДСМ – Битола.
