„УКИМ не го даваме“, “Битни сме, моќни сме“, од утрово, влезот на Ректоратот на УКИМ е покриен со овие транспаренти.
Студентски пленум револтирани од уште еден упад во автономијата на Универзитетот и агресивниот план за изградба на два објекта во барок стил, го блокираат влезот на Ректоратот на УКИМ.
Тие бараат Ректорот преку своите органи да стори се што е во негова моќ да ја спречи веќе отпочнатата изградба на два нови објекта, а поради немањето капацитет да го спречи упадот во автономијата на Универзитетот.
Тие бараат, деканите од Правниот, Економскиот, Филозофскиот, Филолошкиот и Архитектонскиот факултет да излезат со став за ситуацијата.
Студентите бараат и свикување на вонредна јавна седница на Сенатот при УКИМ, на која ќе присуствува и предвидениот број студенти, според Законот за високо образование и Статутот на УКИМ.
„Бидејќи Студентскиот парламент не е легитимно и легално тело во моментов, ние бараме тие места да бидат пополнети со делегати од Студентискиот пленум и Мугра“, бараат студентите од Студентски пленум и од Мугра.
Потоа претставници на Студентски пленум се сретнаа со продеканот Владимир Петрушевски, кој им соопштил дека единствен кој има ингеренции да го спречи градењето на барокните факултети е ректорот Велими Стојковски, кон во моментот бил на патување во Москва.
– Единствено ректорот е одговорен за исполнување на дел од нашите барања и се додека и се додека ректорот не прати допис, бидејќи е надвор од земјата и не го спречи моменталното градење на објекти на територијата на УКИМ – ќе продолжи спречувањето на работата на Ректоратот, рече Данаилов од Студентски пленум.
Студентите ќе ја блокираат работата на Ректоратот на УКИМ, денеска, до крајот на работното време, а најавуваат дека ќе протестираат и во наредните денови.
А.Б.