ВИДЕО: Приведен дилер од Скопје, продавал кокаин и марихуана

Од:

На 03.07.2022 полициски службеници од Секторот за недозволена трговија со дрога, оружје и опасни материи – Оддел за криминалистичка полиција, во координација со полициски службеници од ОСПО-САЕ Тигар, Одделот за сузбивање на организиран и сериозен криминал и Единицата за недозволена трговија со дрога при СВР Скопје го лишија од слобода А.К.(30) од Прилеп, со живеалиште во Скопје.

dobivaj vesti na viber

По спроведена истрага и преземени мерки и активности од страна на Секторот за недозволена трговија со дрога, оружје и опасни материи – Оддел за криминалистичка полиција во координација на Јавен обвинител од Основното јавно обвинителство Скопје обезбедени се материјални докази дека лицето е инволвирано во продажба на наркотични дроги.

Имено, А.К. набавувал дрога, во својот дом во населба Драчево, ја препакувал во помали пакувања подготвени за понатамошна улична продажба по што лично ја продавал на уживателите на дрога на територијата на Скопје по единечна цена од 300 до 500 денари за пакување марихуана, односно по 2500 денари за пакување кокаин.

На 03.07.2022 по претходно обезбедена наредба за претрес на дом и други простории од страна на Основен кривичен суд Скопје извршен е претрес во неговиот дом при што се пронајдени предмети поврзани со кривичното дело.

Во текот на денешниот ден (04.07.2022) од страна на Единица за недозволена трговија со дрога при СВР Скопје до ОЈО Скопје ќе биде поднесена кривична пријава против А.К. по чл. 215 од Кривичниот законик.

Би можело да ве интересира

ВИДЕО: Марихуана и оружје пронајдени во гевгелиско, двајца приведени

Катерина Павлова-Николовска

Германец пронајден мртов во куќа во Скопје

Во Општа болница Куманово донесен починат маж

Ана Ололовска

Фатен еден од разбојниците кои во Глуво изамчуваа брачен пар и го убија мажот

Катерина Павлова-Николовска

ВИДЕО: Откриен насад со марихуана во кумановско, еден приведен

72-годишник од Кавадарци починал откако паднал од дрво