Ние не сме криминалци, криминалец е претседателот, порача од пред Собранието професорката Мирјана Најчевска.
– Криминалци се оние што ги крие и што ги штити, криминалци се судиите,
јавните обвинители, полицијата што застанува во одбрана на криминалците, а не тепа нас, станува криминална полиција. Ние не мамиме и не крадеме, тие крадат. Тие не молзат, ни го уништија минатото, ни ја одземаат иднината на нашите деца. Кога власта ќе го погази правото, имаме право да се буниме, ако не се побуниме тогаш не сме луѓе – тогаш сме овци.
Да се тргне креатурата од претседателското столче, да бидат судени и осудени сите криминалци од власт, затоа што се додека нема права, нема да има мир, рече Начевска.
Таа порача – Доста беше молење и понижување. Ние сме газди на ова зад нас Собрание. Имаме право да се буниме. Ова е наше, треба да се бориме за него.