ВИДЕО: Пропаѓа улицата кај МНР, полицијата го обезбедува просторот

Од:

Пропадна пешачката патека пред Министерството за надворешни работи во центарот на Скопје. По дождовите кои траеја во текот на целиот ден, се отвори дупка пред министерската зграда. Булеварот „Филип Втори Македонски“ со часови се затворен за сообраќај, поради страв дека дупката може да се прошири и да пропадне асфалтот.

Полицијата го обезбедува просторот, а пак Град Скопје веќе ја испумпа водата која беше насобрана во дупката.

Неофицијално, можна причина за отворањето и за пропаѓањето на патеката е свлечиште во близина на „Железниот мост“ кој се наоѓа непосредно до Министерството за надворешни работи. Втората можна причина е пукнатини на канал кој поминува низ местото каде се појави дупката.

Засега од Град Скопје, под чии ингеренции е булеварот, нема информации за тоа дали дупката може да се прошири и да опфати дел од патот.

Полицијата ќе остане да го обезбедува просторот се додека не се пронајде причината и не се санира дупката.

Би можело да ве интересира

Обвинителство: Ja убил партнерката пред петгодишно дете, па сакал да избега

Убиство во Скопје: Си ја уби сопругата, па сакаше да избега во Србија

Горан Наумовски

Во несреќен случај загина возач од Скопје

ОЈО: Гевгеличанец е осомничен за демнење, предложени се мерки за претпазливост

Горан Наумовски

Насилници од Скопје со „бекатонки“ претепале две момчиња

39-годишен скопјанец е пронајден мртов во неговиот дом