Ладното време не ги поколеба прилепчани. И вечерва масовно излегоа на улиците и го изразија својот револт против, како што велат, ненародната власт и диктатурата на Груевски.
Прилепчани на маршот велат дека повеќе не се плашат и не подлегнуваат под притисоците на овој режим и одлучно одат до крај, да ја вратат демократијата и слободата во Македонија.
Колоната вечерва маршираше од центарот на градот, до населбата Гоце Делчев, каде попатно беа блокирани неколку раскрсници.
На отворениот парламент, пред жителите од населбата Гоце Делчев во Прилеп се обратија претстедателот на ВМРО НП – Лубчо Георгиевски и пратеникот од СДСМ – Игор Ивановски.
