(ВИДЕО) Прентовиќ: Зголемена е вредноста на клучните извозно ориентирани земјоделски производи

Од:

„После 11 години потценување на земјоделците, развојните и одржливи аграрни политики на Владата предводена од СДСМ даваат позитивни резултати.

Се вреднува и се цени трудот на земјоделците. Тоа го потврдуваат и официјалните податоци.“ рече Татјана Прентовиќ, пратеничка на СДСМ, на денешната прес-конференција.

„Зголемена е вредноста на клучните извозно ориентирани земјоделски производи. Истовремено расте и побарувачката за македонските земјоделски производи, дома и но и на странскиот пазар.

Оваа година, откупната цена на краставицата во јули е зголемена за 145,8 проценти. Ако се спореди со јуни 2013, кога ВМРО-ДПМНЕ го водеше земјоделскиот сектор, цената на краставицата е зголемена за 240 проценти.

Кај доматите, откупната цена од минатата година е зголемена за 85,5 отсто. Во споредба со јули, 2015 година, цената на доматите е зголемена за 143 отсто.

Кај лубениците е забележан пораст на откупата цена за 115%, споредбено со јули 2015 година.

Оваа година, откупната цена на белото грозје е зголемена на 50 денари, а во 2016 година била 30 денари за килограм. Тоа е зголемување од 67 отсто.

Откупната цена на сливите, во јули оваа година е зголемена за 18,8 отсто споредбено со минатата година.

За 31 отсто зголемена е откупната цена на пиперката.

Овие податоци се особено важни за овој период кога тече откупот на сезонското овошје и зеленчук.

Правилните политики во земјоделството и напредокот на земјава на евро-интегративниот пат ја зголеми побарувачката на нашите производи на странските пазари.

Извозот на конзервиран зеленчук во 2018 година е зголемен за 6% и изнесува 42.4 милиони евра.

За 19% е зголемена вредноста на извезената краставица и тоа најмногу на пазарите на ЕУ.

Пораст на извозот од 16 отсто има и кај праските.

Повисоки откупни цени значат повеќе пари за земјоделците и повеќе средства во економијата.

Владата предводена од СДСМ и надлежното Министерствот за земјоделство остануваат посветени на понатамошен развој на земјоделството во интерес на земјоделците. “, наведе Прентовиќ.

Би можело да ве интересира

(ВИДЕО) Митрески: Мицкоски сака да издејствува амнестија за ексфункционери од ВМРО-ДПМНЕ

Виктор Јованов

СДСМ: Од каде знае ВМРО-ДПМНЕ кој кандидат колку поени има, кога полагањата во Академијата за судии и јавни обвинители се водат под шифра?

СДСМ: Ако некој обвинител го уценувал врвот на ВМРО-ДПМНЕ, зошто молчеле три и повеќе години?

СДСМ: Раст на извозот од 14.5 отсто во првите седум месеци, градиме силна и конкурентна економија

Ана Ололовска

СДСМ: Лозарите не потпаѓаат под манипулациите на фантомски здруженија блиски до ВМРО-ДПМНЕ

(ВИДЕО) Костадинов: Мицкоски брани криминал и ја поткопува истрагата за „Рекет“

Ана Ололовска