Советот на општина Центар ја прекина седницата, откако по 7 часа не се создадоа услови за работа на советниците.
Тие повторно влегоа во демолираната сала, но луѓето надвор удираа по прозорците и извикуваа погрдни зборови.
Неколку пати на луѓето, собрани да протестираат, им беше објаснето дека на дневен ред воопшто нема точка за прекинување на изградбата на црквата „Свети Константин и Елена“.
Еден од советниците на ВМРО-ДПМНЕ им даваше знаци на луѓето што протестираа надвор, да прекинат со извиците, бидејќи седницата е прекината.
По ова заминаа и демонстрантите на кои им беше сугерирано да не даваат никакви изјави за медиумите.