Пратениците Крсто Мукоски и Сашо Василевски од ВМРО-ДПМНЕ ги отвориле вратите од Собранието во четвротокот со што дозволиле на демонстрантите да влезат внатре, објавува Алсат-М.
На снимката која што ја објави телевизијата се гледа како вратите се отвораат, демонстрантите почнуваат да влегуваат, а потоа се гледа пратеникот Василевски каок се оддалечува од вратата, каде што веројатно бил претходно и со мавтање ги повикува демонстрантите да влезат.
На снимката може да се види и пратеникот Јохан Тарчуловски, за кого Алсат-М објави дека давал насоки на група демонстранти каде може да ги најдат пратениците од парламентарното мнозинство.