Конститутивната седница на македонското Собрание е закажана за денеска напладне, а како што беше најавено, ќе ја води актуелниот претседател на Собранието Талат Џафери.
Пратениците претпладнево почнаа да пристигнуваат во Собранието, а во согласност со заштитните мерки, на сите им беше измерена телесната температура на влезот во зградата.
Новиот парламентарен состав ќе биде конституиран во изменети услови кои ги налагаат мерките за заштита од коронавирусот, а седницата ќе се одржи во нова сала, сместена во куполата на законодавниот дом.
