Затворен е патот кон Драчево поради пожар во кругот на фабриката „Охис“, а сообраќајот е пренасочен преку Лисиче.
Од Центарот за управување со кризи (ЦУК) попладнево на прес-конференција само потврдија дека пожар има, но детали рекоа дека ќе соопштат подоцна. Според првичните информации, станува збор за запалена сува трева и дека нема опасност по животната средина. Изгорена е административната зграда, а огнот зафатил и неколку приватни фирми во близина.
Охис во моментов! pic.twitter.com/EBd5wJljk4
— Индивидуа (@individualecot) August 5, 2021
Засега не е позната причината за избувнувањето на пожарот.
На терен се четири противпожарни возила.
Според ЦУК, во Скопје до 16 часот се регистрирани 18 пожари.