Три куќи се зафатени од пожарот кој избувнал на депонијата во Дојран информираше директорот на ЦУК Стојанче Ангелов.
Како што информира Ангелов, се врши евакуација на локалното население и засега нема повредени.
Заменик генералниот директор на „Национални шуми“, Кире Михаилов претходно повика противпожарните служби од околните градови да помогнат во справувањето со огнот.
Михаилов вели дека дојранската депонија била заклучена и оставена без чувар и запалена, а поради тоа противпожарните екипи не биле во можност да влезат веднаш во депонијата и да го спречат пожар да се прошири кон Карабалија, а поради ветрот огнот опасно се доближува кон Стар Дојран и е надвор од контрола.