„Ќе си одат! Затоа сум тука со вас! Но, не само овие, ќе си одат и сите наредни кои ќе имаат вакво однесување неодговорно и криминално. Драго ми е што се свесни дека има веќе критична маса, има колектив. Заедно ќе им дишеме во врат. Нема да поминат вакви скаламуции. Ќе им дишеме во врат не 24 туку 25/7. Знаете зошто? Ќе стануваме еден саат порано од нив.
Овде сум како граѓанин без партиска припадност и супер ми е, иако ни лепат етикети. Но не сум обичен граѓанин, се разликувам многу од обичните. Во што? Одговорен граѓанин, заедно со вас, којшто сака промени, но не само што сака туку сака и да ги донесе. Се разликувам од обичните граѓани кои од дома, од комфорната зона, не следат будно, чекаат да им донесеме промени. Имам една порака до нив – Дојдете со нас!“