Вчера, главниот и одговорен уредник на Сител телевизија го растури планот на ВМРО ДПМНЕ да прикаже нормалност во медиумите и заложба за некакви европски вредности, вели Роберт Поповски, од преговарачкиот тим на СДСМ.
Главен и одговорен уредник на национална телевизија се доживува себеси како најблизок пријател на Никола Груевски и Сашо Мијалков. Tака и настапува на медиуми, му вели на лидер на опозиција, ве тепавме на избори. Kаде го има тоа? Не во Европа, каде го има тоа во светот?
Вчерашниот телевизиски производ полн со клевети, навреди, говор на омраза, примитивизам и расизам, уште еднаш ја докажа потребата од реформи во медиумите во Македонија.
Не било какви, туку темелни реформи на медиумите, само тие се услов за фер и демократски избори. Благодарам.