На денешната лидерска средба на коалицијата За подобра Македонија се разговарало за програмата која е во завршна фаза и треба да се финализира и за предизборната кампања, соопшти Никола Поповски од ВМРО – ДПМНЕ и министер за надворешни работи, по денешната средба на партиите од коалцијата „За подобра Македонија“.
– Во овој период, се разбира, дискутираме и околу охрабрувањето сите политички актери да учествуваат на еден конструктивен начин да учествуваат во оваа кампања, многу значајна за РМ и се разбира дека секој ја носи одговорноста за своите одлуки во делот на упатување на вистинските пораки до гласачите, рече Поповски
Според него ако опозицијата ги бојкотира изсборите, ќе трпи последици.
– Нема и нема да има никаква дискусија околу датумот на изборите, кој е одлучен од Собранието на РМ и загарантиран со Устав и закон. Се разбира дека секој политички чинител во Македонија има услови и избор да учествува или да не учествува на избори, воедно со одлуката ги носи и сите последици кои одат со тоа, многу е јасно дека само со учество на изборите може да се учествува во градењето на политиките. Така е во која било држава и било кој, што верува во функционирање на демократска земја мора да учествува на избори и на тој начин да се избори за своите позиции, рече Поповски
На новинарско прашање дали коалицијата ќе остане на својот став да има избори на 5 јуни иако ДИК се изјасни дека не е прочистен Избирачкиот список, Поповски одговори дека ДИК е институција која оперативно ги спроведува изборите,а Владата е расположена да помогне во кој било сегмент.
– Крајната одговорност ја носат институциите во РМ и не треба да оставаме никаво размислување дали може или не може, описот на работните задачи е да спроведе избори, рече Поповски
Тој тврди дека не треба да има никаква дилема дека ќе се прочисти Избирачкиот список бидејќи сите институции се ставени на располагање на ДИК.
– Друга алтернатива не гледам, рече Поповски.
Тој кажа дека на средбата на партиите од Коалцијата, иако е е министер за надворешни работи, учествувал во својство на член на извршниот комитет на ВМРО – ДПМНЕ.И Владанка Авировиќ од Социјалистичката партија на РМ, Живко Поповски од ПОДЕМ и Стевчо Јакимовски, претседател на ГРОМ во изјава за медиумите потврдија дека имаат намера да одат на избори на 5 јуни.