(ВИДЕО) Попов: Неиздржани се оправдувања на Арсовска за укинувањето на БРТ, да ја преиспита одлуката штетна за Скопје

Од:

„Втор месец градоначалничката на Град Скопје Данела Арсовска не работи ништо, нема реализирано ниту еден проект во интерес на граѓаните, на скопјани. Освен што разрешува директори, поништува огласи за вработувања и прекинува проекти кои се во интерес на граѓаните и градот“, рече Мартин Попов, организационен секретар на СДСМ и советник во Советот на Град Скопје.

„Скандалозно е прекинувањето на проектот за ефикасен и еколошки транспорт, познат како Бас Рапид Транзит, кој се спроведуваше со поддршка од Европската банка за обнова и развој, вреден 70 милиони евра.

Оправдувањата за неговото укинување, кои ги даваат Арсовска и Град Скопје дека наводно ќе ја загрозела животната средина и не бил еколошки се целосно невистинити и контрадикторни.

Проектот Бас рапид транзит е систем кој е прогласен за еден од најеколошките начини на јавен превоз. Освен што возилата возат на еколошки погон, според проектот, за двете траси обезбедено беше двојно повеќе зеленило, преку двојни дрвореди долж трасите. Беа предвидени и дополнителни 200.000 евра за соодветно пресадување на дрвја каде што е потребно за да не се загрози ниту едно зеленило.

Неговата ефикасност значително ќе го намалеше обемот на сообраќај по скопските улици што е дополнителен придонес кон намалување на штетните гасови во воздухот.

Втора невистина, втора лага е дека проектот го загрозува системот за водоснабдување. Напротив, со овој проект беше предвидено целосна заштита на цевките за вода што минуваат под трасите на движење на БРТ, со соодветни механизми за заштита и од вибрации.

Наместо неиздржани оправдувања Данела Арсовска треба да ја преиспита нејзината одлука.

Укинувањето на овој проект е на штета на граѓаните и на Градот, Арсовска спречува проект за ефикасен и еколошки јавен превоз.

Дополнително, со нејзината одлука го урива угледот на Скопје и на државата пред меѓународните финансиски институции.

Секојдневно во овие два месеца, Арсовска докажува дека не се води од интересите на граѓаните, туку од своите лични и партиски интереси“, изјави Мартин Попов, организационен секретар на СДСМ и советник во Советот на Град Скопје.

Би можело да ве интересира

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ

СДСМ: Партиските редови денес се почисти, а ЗНАМ се фали со своите нови платеници

А1он

СДСМ: Според ММФ, Македонија е меѓу последните европски економии според БДП по жител

Горан Наумовски

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

ВМРО-ДПМНЕ: СДС е спотер, а сватот на Али Ахмети акционер

(ВИДЕО) Поповиќ: Мицкоски е во паника за Алта банка – по моделот на Вучиќ сака да ја замолчи опозицијата