Полицијата направи кордони на кејот од страната на Јавното обвинителство и не дозволува демонстрантите да се доближат до зградата на Обвинителство.
Во моментов едни спроти други стојат демонстрантите и кордонот на специјална полиција, која ги спречува да пријдат. Намерата на граѓаните е да пријават дека им е попреќено правото на слободно движење и правото на протест.
Атмосферата е напната, демонстрантите извикуваат „Готово е Никола!“.
Тие ги убедуваат полицајците дека немаат право да го попречат нивното слободно движење.
Демонстрантите кои не сакаа да влезат во конфликт со полицијата продолжија кон Собрание за да таму го изразат својот револт.
На колоната демонстранти им се придружуваат и други граѓани, протестот станува се’ помасовен, се собраа неколку илјади граѓани.