Валканата политичката кампања за локалните избори во Охрид го достигнува својот врв, и таа ќе кулминира за време на викендот смета кандидатот за градоначалник на Охрид од СДСМ Александар Петрески.
„Сметам дека врвот на нечистата кампања ќе кулминира во петок и сабота.Убеден сум во тоа иако Гебелс не е жив, другиот Гебелс е во Охрид. Убеден сум во Гебелсовите методи кои ќе го дадат максимумот во петок и сабота, кога Охрид ќе биде преплавен со плакати и пароли, пишани текстови, фотографии и недолични работи кои не недоличи“, рече Петрески.
Петрески рече дека иако од ВМРО ДПМНЕ постојанио повикувале дека се за чиста и фер кампања, го докажале спротивното.
„Полошо од ова што сега се случува е да има пукање како што имаше пред неколку години. Дали слушнавте од ВМРО ДПМНЕ и нивниот кандидат за градоначалник да се оградат од кршењето на штабови, од аферата што ја направија на директорот на ЕМУЦ. Ако не гледа Бакралески Сител и ако не слушнал го повикувам да погледне она што беше кажано.Нека излезе јавно и нека каже дали се оградува од тоа или не се оградува“, рече Петрески.
Мики Трајковски