Несекојдневна спасувачка акција на мајка и нејзините младенчиња кутриња е изведена од персоналот на Клиниката за трансфузиологија, соопшти Анима мунди споделувајќи видео од настанот.
„Во време на суровост и насилство врз животните во Република Македонија, со задоволство Ви го приложуваме видеото на несекојдневна спасувачка акција на мајка и нејзините младенчиња, изведена од персоналот на Клиниката за Трансфузиологија. Тие без миг двоумење успејаа да спасат мајка со мали кутриња кои на, за нас нејасен начин, завршиле под бетонска плоча и дупка во дворот на клиниката. Докторите ја кренаа плочата, не се штедеа да се извалкаат и влезат во дупката за да ги извадат животните. Мајката и малецките туку што прогледани кутриња се на безбедно, згрижени од актерката и активистката Ајета Реџеповиќ и госпоѓа Лидија, исто така голем активист“ велат од здружението Анима мунди.