ВИДЕО: Пендаровски се сретна со фон дер Лајен, разговарале за реформите и за уставните измени

Од:

Претседателот Стево Пендаровски вечерва ја прими претседателката на Европската комисија, Урсула фон дер Лајен, која престојува во посета на Северна Македонија. Како што соопшти прес-службата на претседателот, тие разговарале за процесот на пристапните преговори на земјава за членство во Европската Унија, за актуелните политички случувања во Северна Македонија и за тековните состојби во регионот.

Во таа насока беа разменети информации за натамошните фази во преговорите по завршување на скриниг прoцесот и за динамиката на спроведување на реформите, стои во соопштението.

На средбата беше разговарано за претстојниот извештај на ЕК за напредокот на Северна Македонија како земја-кандидат, како и за Планот за раст на Западниот Балкан, при што претседателот Пендаровски се заблагодари за поддршката и посветеноста од ЕУ на политиката на проширување и интеграција на земјите од Западен Балкан.

На средбата биле разменети мислења за стратешката важност од спроведување на измените на Уставот и натамошните импликации врз европската перспектива на земјава, се наведува во соопштението на претседателскиот Кабинет.

Фон дер Лајен утре ќе има средба со премиерот Димитар Ковачевски.

Би можело да ве интересира

Фон дер Лајен: Длабоко сум вознемирен од сликите од Газа

СДСМ: ДПМНЕ се уплашени од кандидатурата на Пендаровски

Катерина Ѓуровски

Пендаровски е „пишман аџија“ вели ВМРО-ДПМНЕ: Малограѓанско политикантство одговори претседателот

Катерина Ѓуровски

Извршниот одбор на СДСМ го поддржа Стево Пендаровски за кандидат за Претседател на државата

Горан Наумовски

Урсула фон дер Лајен: Со руски пари да се купи оружје за Украина

Горан Наумовски

Пендаровски: Поддршка за Украина слободно да го избере патот по кој ќе чекори во иднина