Пејачот Петар Младеновски од “Суперхикс“, кој живее во сосеството и има две деца, кој беше на почнувањето на изградбата на новото модерно училиште во Капиштец, рече дека ова е објектот кој долго го чекале.
“Долго слушавме ветувања за ново училиште во Капиштец. Сите градоначалници доаѓаа и си заминуваа, а училиште не се изгради. Со новото училиште ни се решава голем проблем и сакам да го поздравам овој проект и да посакам ова училиште да ни донесе нови, попаметни ученици. Само напред“, рече Младеновски.
На поставувањето на камен темелникот беа присутни жители од Капиштец, советници од општина Центар и други личности од јавниот живот.
