Продолжува хаосот во рудниците за олово и цинк Тораница и Злетово. Од најавеното рестартирање и враќање на 1000 рудари на своите работни места од 1 јули ниту трага ниту глас. Лошата ситуација во којашто се наоѓаат рударите од рудниците за олово и цинк Тораница и Злетово дополнително се влошува и комплицира, посебно со лажното појавување на Никола Груевски, рече Изабела Павловска, член на совет во општина Крива Паланка.
„Рударите се незадоволни и со право се загрижени.
За нив е нејасно како граѓанинот Груевски најавува нови 400 вработувања кога веќе вработените рудари не може да ги врати назад?
Граѓанинот Груевски да одговори каде е ветената минимална плата од 500 евра?
Дали е точно дека Тораница и Злетово се дадени како компензација на неподмирени трошоци кон друга фирма која работела на проектот Скопје 2014?
Граѓанинот Груевски да излезе и јавно пред нив да каже како овие 1.000 семејства да ги подмират трошоците за тековно живеење и сметки, како да го поминуваат тешкото секојдневие?
Рударите не сакаат лажни, нереални, времени решенија туку вистинско решавање на нивниот проблем.
Тие повеќе не можат да ги издржат ВМРО-ДПМНЕ.
Криминалните политики на Никола Груевски уништија 1000 семејства во Крива Паланка и Пробиштип.
На сите рудари им го честитаме денот на рударите и им ветуваме дека по демократските промени, за новата Влада предводена од СДСМ приоритет ќе бидат потребите на сите граѓани“, рече Павловска.