Ние, кои многу дадовме за самостална и суверена Република Македонија, од каде го исцрпивме легитимитетот да бидеме овде, сакаме да ја спасиме државата од кои им ја поклонивме на тацна, оние кои ја узурпираа, партизираа и уништија, рече еден од демонстрантите.
– Токму ради тоа, овде сум со вас младите да се бориме заеднички против сиромаштијата, безнадежноста и безперспективноста во Република Македонија. Шарената револуција е автентична и по својата форма и по својата содржина. Ако погледнеме, овде има многу луѓе од различен социјален, културен, религиозен, верски, генерациски состав, меѓутоа, некои од вас се борат за вработување, некои се борат за поголеми плати, некои се борат за посигурна пензија, меѓутоа сите нас не спојува еден заеднички мотив, една заедничка цел, а тоа е борба за поголема демократија, поголема слобода, борба за Република Македонија, рече демонстрантот.