Лошата состојба во здравство ни е позната на сите, а ЕБРД во својот извештај вели дека сме на последното место по задоволство на граѓаните од услугите кои ги добиваат во здравството, рече денеска кандидатот за пратеник на СДСМ, Панче Орцев.
Тој истакна дека главната цел на Социјалдемократскиот сојуз е подобрување на здравството преку јакненње на превенцијата и вложување во квалитетно државно здравство.
„Ќе ги зголемиме средствата во буџетот за превенција, како најисплатлива инвестиција. Ќе го унапредиме здравјето на ранливите групи на граѓани, ќе ги иновираме програмите и ќе ги зголемиме средствата во буџетот за решавање на проблемите на современите болести. Ќе ја укинеме партиципацијата за лекување на деца до 14 години во земјата и странство, а ќе ја укинеме и партиципацијата за сиромашните граѓани, рече Орцев.
Ова се дел од низата мерки на СДСМ за подобро здравство и враќање на достоинството на лекарите истакна кандидатот за пратеник на СДСМ, Панче Орцев. Тој додаде дека е доста од лажните вретување на Ставревски кој шест пати кажува дека ќе го изгради медицинскиот центар во Струмица.
