Следејќи ги препораките и мерките на Владата и Министерството за здравство, со оглед на прогласената пандемија на Корона вирусот, дел од вработените во општината Центар своите работни активности и обврски ги извшруваат од дома.
– Организацијата на онлајн наставата во основните училишта, обработката на документите во Секторот за урбанизам, организацијата на социјалната политика и останатите активности, вработените ги извршуваат од дома, со цел непречено функционирање на општината и услужување на нашите сограѓани, велат од Центар.
Општина Центар и градоначалникот Саша Богдановиќ упатуваат апел до сите сограѓани да бидат солидарни, одговорни, да се грижат за здравјето и да ги почитуваат препораките на Владата и на Министерството за здравство.
– Само така ќе го вратиме животот во нормала и сите заедно ќе излеземе како победници од моменталната ситуација, велат од Општина Центар.