Далновидите спроти големата трафостаница близу Пинтија се во пламен. Огромен пожар избил, неколку минути пред да снема електрична енергија. Полиција го обезбедува просторот. Засега не е позната причината. Од ЕВН велат дека проблемот не е кај нив, додека пак од „Мепсо“ за „А1он“ велат дека се проверува каде е дефектот. За запалените далноводи, не сакаа да коментираат и рекоа дека немаат информации. Оттаму најавија само соопштение.
Од ЕВН, само кусо за „А1он“ изјавија: Поради експлозија на високонапонска мрежа на МЕПСО, дел од Скопје е со прекин на електрична енергија. Се вклучува дел по дел“.
Десетина скопски општини останаа без струја. Аеродром, Кисела Вода, Карпош 1,2,3,4, Мичурин, Автокоманда, се само дел од местата каде граѓаните немаат електрична енергија. „А1он“ се обрати до ЕВН со прашање дали станува збор за голем дефект и дали брзо ќе се санира – но не доби одговор.
И дел од Центар остана без електрична енергија, но набрзо, тамо напојувањето беше стабилизирано. Во Ѓорче Петров – струја има.
Во два наврати, напонот на електричната енергија се врати, но набрзо, повторно престана.