И последниот обид да поминат урбанистичките планови поради кои се протестираше пред општината Центар беше неуспешен.
Седницата беше одложена откако советниците на ВМРО-ДПМНЕ бараа да биде присутен и градоначалникот Андреј Жерновски, а доколку не може тој, тогаш инсистираа да се каже кој е негов заменик, но и дека истиот нема да може да гласа.
Петтата седница е презакажана за 12. јули, додека на 11. јули ќе биде шестата седница со други точки на дневен ред.
Бидејќи градоначалникот не е поднесувач на предлозите нема ниту деловничка, ниту статутарна обврска да присуствува на седницата.
Во моментот кога се правеше обид да почне седницата, Жерновски имаше претходно закажани работни обврски и средби.