Штотуку излегов од полициската станица Беко каде заедно со лицето кое ме нападна дадовме изјава. Од она што можам да кажам во кратки црти е дека сум добро, чувствувам некое зуење во главата, некое црвенило од ударите, рече за А1он новинарот на Телма, Павле Беловски.
– Додека ги извршувавме работните обврски заедно со снимателот ми пријде лице, се обиде вербално да ме испровоцира со политички квалификации, најверојатно го забележа возилото од Телма телевизија, со колегата го игнориравме, беше предупреден и од обезбедувањето на МВР и кога тргнав да се јавувам во живо дојде од назад и ме удри со тупаница во главата и започна со клоци, стравував дека има оружје во себе, но за среќа полицијата интервенираше, рече Беловски.
Тој апелираше да престанат се почестите напади врз новинарите, како и луѓето да имаат разбирање за професијата, дали некому се допаѓа или не.
Напаѓачот се уште се наоѓа во полициската станица Беко. Како што велат од станицата, тој бил во алкохолизирана состојба, а претходно имал и други пријави за напад врз лица. Според информациите од МВР, се работи за 32. годишниот К.П. од Скопје.