Во пресрет на Меѓународниот ден на спортот за развој и мир – 6 Април, Македонскиот олимписки комитет денеска донираше спортска опрема за учениците од основното училиште „Аврам Писевски“ во населбата Бардовци.
Училиштето, како што информира општина Карпош, доби повеќе спортски реквизити: поголем број топки за фудбал, кошарка, ракомет и одбојка, нови мрежи за обрачите за кошовите и головите. Донирани се и едукативни материјали, книги и брошури кои ги поттикнуваат младите да спортуваат.
Градоначалникот на Карпош Стефан Богоев рече дека се фокусирани на развој на спортот во училиштата и додаде оти потврда за тоа се и успешните училишни спортски лиги во Карпош.