Во комуникација со граѓаните да го презентираме она што мислиме дека е штетно од договорот со цел да можат да бидат информирани и да донесат правилна одлука. За жал забележуваме дека владата како потписник на договорот или не ги информира граѓаните од содржината на договорот или ги информира парцијално, односно гледаме како се информира само до пола реченица или третина реченица, не се оди во остатокот од реченицата, рече Александар Николоски од ВМРО-ДПМНЕ.
– Сакаме целосно ние да ги презентираме целосно фактите за да видат граѓаните која е суштината и содржината на договорот. Во таа насока денес имаме средби и во Карпош и во Сарај, позициите се јасни сметаме дека договорот е капитулански, исклучително штетен за Македонија и како таков треба да не биде прифатен. На 30-ти септември граѓаните ќе донесат одлука, како што сметаат дека е најдобро. Оставаме на нив да ја донесат одлуката и соодветно сите информации кои што ги имаат да одлучат како ќе постапат на истиот ден, рече Николоски.