Силно невреме со поројни дождови попладнево го зафати скопскиот регион. Забавен беше сообраќајот на автопатот Тетово-Скопје, а возилата беа принудени да се движат со 40 километри на час, што создаде колони и делумно го закочи сообраќајот.
Инаку, невреме проследено со врнежи и силен ветер зафати и други делови од државата. Според метеролозите, ваквата нестабилност ќе се задржи до крајот на идната недела.