Кирил Спировски се обиде да излезе од канцеларијата на СПУКМ со заштита од Единицата за брзо распоредување, но обидот беше неуспешен, а сликата поразувачка-полицијата штити “студентски лидер“ од студенти кои го исвиркаа. Сам изоде еден дел од патеката додека сите студенти одеа по него и го прашуваа дали не му е срам и го исвиркаа. Во тој момент сврти и се врати назад во канцеларијата.
Со оглед дека тие двесетината партиски членови кои денеска му асистираа, а по одземањето на гласачките кутии заминаа од Скопје, зашто не се ниту студенти, Спировски остана со неколкумина сам, заклучен во канцеларијата, со изминат мандат одамна, и разбеснети студенти на неколку метри од него.
Откако се обиде да замине, повторно се врати во канцеларијата каде се и гласачките кутии кои беа одземени од него и партиски членови.
