Пожарот во Карпош 2, во близина на Машинскиот факултет избил во 7 часот и 30 минути утрово. Полицијата прави увид и ги утврдува причините поради кои избил пожарот. Досега, не се пријавени повредени лица.
Сериозно 2021? pic.twitter.com/8M41xjI41q
— Carano (@__stefanel__) January 1, 2021
„Околу 7:30 во СВР Скопје било пријавено дека на улицата „Руџер Бошковиќ“ имало опожарена една барака, а друга била делумно опожарена. До овој момент нема пријавено повредени лица. Се врши увид, по што ќе се знаат причините за пожарот“, велат од МВР за „А1он“ и додаваат дека пожарот е локализиран.
„Кај машинскиот факултет е интервенирано со седум возила и 20 пожарникари. Пожарот е изгаснат во 10 часот и 20 минути. Во пожарот изгорела една барака, а другата е малку опожарена“, велат од Противпожарната бригада за „А1он“.
Оттаму информираат дека заборавена вклучена греалка, по забава е можната причина за пожарнот.