По тепачката на базенот ов Штип во која учествуваа повеќе луѓе, една нападната жена пријавила во полиција.
– На 17.7.2023, во 16.10 часот, во Полициската станица Штип, Е. Н. (25) од с. Бучим, Радовишко, пријавила дека околу 15.30 часот на градскиот базен во Штип била физички нападната од неколку лица. Се преземаат мерки за расчистување на случајот“, велат од МВР.
Локалната Телевизија Стар објави снимка од тепачка на Градскиот базен во Штип, кој е во склоп на новоизградениот Аква парк отворен во јуни пред две години. На снимката може да се види дека се делат тупаници, клоци помеѓу мажи, а потоа со тупаници и удари со нозе силата ја мерат и три жени, односно две жени маваат една која е легната на земја. Тепачката се одвива пред деца.