На место викано „Рамно“ на планината Скопска Црна Гора, во заедничка акција на полицијата, Шумска полиција и Јавното претпријатие „Национални шуми“ уапсени се С.А.(28), Р.А.(22), Џ.А.(24), Е.А.(37), Б.С.(39), Д.А.(51), Ќ.А.(53), С.А.(47), Џ.С.(34), сите од село Брест и Б.М.(27) од Арачиново, скопско.
„Лицата се затекнати на местото при бесправна сеча на дрва и притоа биле пронајдени околу 400 кубни метри исечено огревно дрво. На местото биле пронајдени четири товарни возила натоварени со огревно дрво, едно патничко возило, три моторни пили и други предмети кои биле користени за сеча на дрвата. Возилата, дрвата и другите предмети биле одземени за понатамошна постапка, а лицата биле задржани во полициска станица и со нив бил извршен службен разговор. По целосно документирање на случајот, во координација со јавен обвинител против лицата ќе биде поднесена кривична пријава“, извести МВР.