Екипа на Пазарната инспекција направи обиколка низ неколку дебармаалски кафеани и кафулиња, бидејќи од денеска стапи на сила мерката за задолжителна потврда за вакцинација во локалите каде се присутни повеќе од 30 гости.
Инспекторите посетија една кафеана и две кафулиња во Дебар маало, во кои речиси и да немаше присутни гости.
Замерки им беа дадени единствено на некои од вработените за неносење на заштитна маска, а келнерите ги уверуваа инспекторите дека задолжително бараат потврди за вакцинација од гостите доколку бројката на присутни надмине 30.