Пратеничката од ДОМ, Маја Морачанин, предлага во Законот за медиуми да биде опфатена и дискриминацијата врз основа на сексуалната ориентација и родов идентитет. Предлогот, како што образложи таа, доаѓа по примерот на новиот Закон за заштита од дискриминација, но и по бројните случаи на насилство и говор на омраза кон ЛГБТИ-популацијата.
-Говорот на омраза присутен во медиумите често резултираше со насилство врз ЛГБТИ, и мислам дека треба да се внесе сексуалната ориентација и родовиот идентитет во членот 11 од Законот. Се подготвува нов закон за заштита од дискриминација веќе две години и драфт-верзијата беше испратена до Венециската комисија, и токму внесување на овие основи за дискриманција се сметаа за позитивно решение и тоа треба соодветно да се преслика и во овој закон, порача Морачанин.
Галена Николовска-Ризвановиќ
